பாஜகவுக்கு எதிராக எதிர்க்கட்சிகள் ஒன்றிணைய வேண்டும்: மம்தா பானர்ஜி அழைப்பு

கோல்கத்தா: பாஜகவுக்கு எதிராக எதிர்க்கட்சிகள் ஒன்றிணைய வேண்டும் என மேற்கு வங்க முன்னாள் முதல்வர் மம்தா பானர்ஜி அழைப்பு விடுத்துள்ளார்.

கோல்கத்தாவில் ரவீந்​திர​நாத் தாகூரின் பிறந்த நாளையொட்டி நடைபெற்ற நிகழ்ச்​சி​யில் பேசி​ய அவர், பாஜக​வுக்கு எதி​ராக இடது​சா​ரி​கள் உள்​ளிட்ட எதிர்க்​கட்​சிகள் ஓரணி​யில் திரள வேண்​டும் என்றார்.

அனைத்து தேசிய கட்​சிகளும் பாஜக​வுக்கு எதி​ராக ஒன்​றிணைய வேண்​டும் என்றும் இதுதொடர்​பாக அரசி​யல் கட்​சிகளு​டன் பேச்​சு​வார்த்தை நடத்த தாம் தயா​ராக இருப்பதாகவும் அவர் கூறினார்.

தனக்கு முதல் எதிரி என்றால் அது பாஜகதான் என்றும் இந்த நேரத்​தில் எதிரிக்கு எதிரி நண்​பன் என்ற கண்​ணோட்​டத்​தில் சிந்​திக்​கக்​கூ​டாது என்றும் அவர் குறிப்பிட்டார்.

எதிர்க்​கட்​சிகள் மட்​டுமன்றி மாணவர் அமைப்​பு​கள், தன்​னார்வத் தொண்டு அமைப்​பு​களும் ஒன்​றிணைந்து செயல்பட வேண்​டியது அவசி​யம் என்றார் மம்தா.

“காங்​கிரஸ் தலை​வர்கள் கார்​கே, சோனியா, ராகுல், ஜார்க்​கண்ட் முதல்​வர் ஹேமந்த் சோரன், டெல்லி முன்​னாள் முதல்​வர் கேஜ்ரி​வால் உள்​ளிட்​டோர் என்​னிடம் பேசினர். உத்​தவ் தாக்​கரே, ராஷ்டிரிய ஜனதா தள மூத்த தலை​வர் தேஜஸ்வி யாதவ் ஆகியோர் தகவல்​களை அனுப்பி உள்​ளனர். அகிலேஷ் யாதவ் நேரில் வந்து ஆதரவை தெரி​வித்​தார்.

“மாநில, தேசிய அளவில் பாஜக​வுக்கு எதி​ராக தொடர்ந்​து போ​ராடு​வேன்​,” என்று முன்னாள் முதல்வரான மம்​தா பானர்​ஜி தெரி​வித்​தார்​.