.png)
8 hours ago
20
YouTube யூடியூப் தனது AI ஆட்டோ-டப்பிங் வசதியை அனைவருக்கும் விரிவுபடுத்தியுள்ளது. இனி இந்தி உட்பட 27 மொழிகளில் வீடியோக்களை உங்கள் தாய்மொழியிலேயே கண்டு ரசிக்கலாம்.
15
Image Credit : Gemini
YouTube
உலகின் முன்னணி வீடியோ தளமான யூடியூப், தனது பயனர்களுக்கு ஒரு மகிழ்ச்சியான செய்தியை வெளியிட்டுள்ளது. செயற்கை நுண்ணறிவு (AI) மூலம் செயல்படும் 'ஆட்டோ-டப்பிங்' (Auto-Dubbing) வசதி இனி தளத்தில் உள்ள அனைத்து சேனல்களுக்கும் மற்றும் பயனர்களுக்கும் கிடைக்கும் என்று அறிவிக்கப்பட்டுள்ளது. 2023-ஆம் ஆண்டு விட்கான் (VidCon) நிகழ்வில் ஒரு சில கிரியேட்டர்களுக்கு மட்டுமே அறிமுகப்படுத்தப்பட்ட இந்த வசதி, இப்போது முழுமையாகப் பயன்பாட்டிற்கு வந்துள்ளது. இனி மொழி தெரியவில்லை என்ற கவலையே இல்லாமல் எந்த வீடியோவையும் பார்த்து ரசிக்கலாம்.
25
Image Credit : Getty
27 மொழிகளில் டப்பிங் வசதி
இந்த புதிய மேம்படுத்தலின் மூலம், யூடியூப் வீடியோக்களில் பேசப்படும் உள்ளடக்கத்தை 27 மொழிகளில் தானாகவே மொழிபெயர்த்து டப்பிங் செய்ய முடியும். கல்வி, தொழில்நுட்பம் அல்லது தகவல் சார்ந்த வீடியோக்களைப் பார்க்கும் போது, அந்த வீடியோவின் அசல் மொழி உங்களுக்குத் தெரியாவிட்டாலும், இந்த வசதி மூலம் உங்களுக்குப் புரிந்த மொழியில் ஆடியோவைக் கேட்கலாம். இசை வீடியோக்களுக்கு (Music Videos) இந்த வசதி பொருந்தாது.
35
Image Credit : Gemini
இயற்கையான குரல் பதிவு - 'Expressive Speech'
வெறுமனே ரோபோ பேசுவது போல் இல்லாமல், கிரியேட்டரின் குரல் தொனி மற்றும் உணர்ச்சிகளைப் பிரதிபலிக்கும் வகையில் 'எக்ஸ்பிரசிவ் ஸ்பீச்' (Expressive Speech) என்ற புதிய தொழில்நுட்பத்தையும் யூடியூப் அறிமுகப்படுத்தியுள்ளது. இது டப்பிங் செய்யப்பட்ட குரலை மிகவும் இயற்கையாகக் கேட்க வைக்கும். தற்போது இந்தி, ஆங்கிலம், பிரெஞ்சு, ஜெர்மன் உள்ளிட்ட 8 மொழிகளில் இந்த மேம்பட்ட வசதி கிடைக்கிறது.
45
Image Credit : Gemini
விருப்ப மொழியைத் தேர்வு செய்யலாம்
ஒன்றுக்கு மேற்பட்ட மொழிகள் தெரிந்தவர்களுக்கு, 'விருப்ப மொழி' (Preferred Language) என்ற செட்டிங் வசதி வழங்கப்பட்டுள்ளது. இதன் மூலம் பயனர்கள் தங்களுக்கு எந்த மொழியில் டப்பிங் வேண்டும் என்பதை முன்கூட்டியே அமைத்துக் கொள்ளலாம். அல்லது ஆட்டோ-டப்பிங் வேண்டாம் என்றால் அதை ஆஃப் செய்யும் வசதியும் உள்ளது. கடந்த டிசம்பர் 2025-ல் மட்டும் தினமும் 6 மில்லியனுக்கும் அதிகமானோர் இந்த வசதியைப் பயன்படுத்தியுள்ளனர்.
55
Image Credit : Gemini
விரைவில் வரும் 'லிப்-சிங்க்' தொழில்நுட்பம்
இன்ஸ்டாகிராம் மற்றும் ஃபேஸ்புக் ரீல்ஸில் உள்ளது போல, பேசும் மொழிக்கேற்ப உதட்டசைவை மாற்றும் 'லிப்-சிங்க்' (Lip-sync) வசதியையும் யூடியூப் சோதனை செய்து வருகிறது. இது பயன்பாட்டிற்கு வரும்போது, வேற்று மொழி வீடியோக்களைப் பார்ப்பது இன்னும் தத்ரூபமாக இருக்கும். அமைதியான வீடியோக்கள் மற்றும் இசை ஆல்பங்களுக்கு இந்த ஆட்டோ-டப்பிங் தானாகவே தவிர்க்கப்படும் வகையில் இந்தத் தளம் வடிவமைக்கப்பட்டுள்ளது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
English (US) ·