"அப்பாவுக்கு ஹார்ட் அட்டாக் வந்தப்போ கூட எடப்பாடி கண்டுக்கல" - தவெகவில் இணைந்த தனபாலின் மகன் வேதனை

தவெகவில் இணைந்தவர்களின் பட்டியல் இங்கே:

லோகேஷ் (முன்னாள் சபாநாயகர் தனபாலின் மகன்)

கேத்ரின் எழில் மலை (தலித் எழில்மலையின் மகள்)

சக்கரவர்த்தி (இமானுவேல் சேகரனின் பேரன்)

அசோக் - ரஜினி ரசிகர் மன்றம் மா.செ தி.நகர்

பாபுஜி கௌதம் - அதிமுக

தனபாலின் மகன் லோகேஷ் பேசுகையில், "தந்தையின் நிர்பந்தத்தால்தான் இவ்வளவு நாள் அதிமுகவில் இருந்தேன். கட்சிக்குள் எங்கள் குடும்பத்துக்கெனப் பெரும் மனவருத்தம் இருந்தது. ஜூலை மாதத்தில் என்னுடைய தந்தைக்கு மாரடைப்பு ஏற்பட்டது.

எடப்பாடி உட்பட கட்சியிலிருந்து யாரும் நேரில் வந்து பார்க்கவில்லை. அப்பா ஒரு சீனியர் என்கிற மதிப்பே இல்லை. அதிமுக ஒரு நான்கைந்து பேருக்கான கட்சியாக மாறிவிட்டது. நிறைய பேர் இதேபோல மனவருத்தத்தில் இருக்கிறார்கள்.