Oats Recipes: இட்லி, தோசை செய்ய அரிசி, உளுந்தெல்லாம் வேண்டாம்! யாருக்கும் தெரியாத ஹெல்தி சாப்பாடு.!

15 hours ago 15

Healthy South Indian Breakfast Ideas with Oats, தென்னிந்திய உணவுகள்னா யாருக்குத்தான் பிடிக்காது?  அரிசி, உளுந்தை சேர்க்காமலேயே இட்லி, தோசை போன்றவற்றை செய்யலாம் என்பதை விளக்குகிறது இந்த கட்டுரை. 

தோசையம்மா தோசை.!

சாதா ஓட்ஸை கொஞ்ச நேரம் தண்ணியில ஊறவைங்க. அப்புறம் தண்ணி சேர்த்து தோசை மாவு பதத்துக்கு அரைச்சுக்கோங்க. இதுல உப்பு, புளிக்கிறதுக்காக கொஞ்சம் எலுமிச்சை சாறு, ஈனோ சேர்த்தா போதும். சாதாரண தோசை மாதிரியே நான்-ஸ்டிக் தவால ஊத்தி, உள்ள உருளைக்கிழங்கு அல்லது பனீர் மசாலா வெச்சு பரிமாறுங்க.

Add Asianetnews Tamil as a Preferred Source

காலை டிபனுக்கு ஹெல்த்தியா ஏதாவது சாப்பிடணுமா?

அப்போ ஓட்ஸ் இட்லி செஞ்சு பாருங்க. சட்டென்று செஞ்சிடலாம். முதல்ல ஓட்ஸை ஒரு வாணலியில் லேசா வறுத்து, ஆறினதும் பொடி பண்ணிக்கோங்க. இந்த பொடியோட அரை கப் ரவை, தயிர் சேர்த்து கலந்து கொஞ்ச நேரம் வைங்க. அப்புறம் உப்பு, ஃப்ரூட் சால்ட் சேர்த்து இட்லி தட்டுல ஊத்தி வேக வைங்க. விருப்பப்பட்டா காய்கறிகளையும் சேர்த்து மிக்ஸ்டு வெஜ் ஓட்ஸ் இட்லியா செய்யலாம்.

உளுந்து இல்லாத மெது வடை, சாம்பார் வடை

மெது வடை, சாம்பார் வடை எல்லாருக்கும் பிடிக்கும். ஆனா உளுந்து சிலருக்கு செரிக்காது. அதுக்கு பதிலா ஓட்ஸ்ல வடை செய்யலாம். ஓட்ஸை எடுத்து பொடி பண்ணிக்கோங்க. அதுல கொஞ்சம் அரிசி மாவு, பச்சை மிளகாய், கொத்தமல்லி, இஞ்சி, மிளகுத்தூள், அரை கப் தயிர் சேர்த்து மாவு பிசைஞ்சுக்கோங்க. அப்புறம் சின்ன உருண்டையா தட்டி, நடுவுல ஓட்டை போட்டு, பொன்னிறமா பொரிச்சு எடுங்க.

உப்புமா செய்வோமா?

ஓட்ஸ் உப்புமா செய்ய, முதல்ல ஓட்ஸை மிதமான தீயில வறுத்து எடுத்துக்கோங்க. அதே வாணலியில் எண்ணெய் விட்டு கடுகு, கறிவேப்பிலை, வெங்காயம் போட்டு வதக்குங்க. அப்புறம் கேரட், தக்காளி, குடைமிளகாய் சேர்த்து கொஞ்ச நேரம் வேகவிடுங்க. இப்போ ஓட்ஸை சேர்த்து நல்லா கலந்து, 1 கப் தண்ணி ஊத்தி மூடி போட்டு வேக வைங்க. சுவையான ஓட்ஸ் உப்புமா ரெடி. மேல கொத்தமல்லி, எலுமிச்சை சாறு தூவி பரிமாறுங்க.

ஓட்ஸ் ஊத்தப்பம் செய்யலாம்

ஓட்ஸ் ஊத்தப்பம் செய்ய, முதல்ல ஓட்ஸை பொடி பண்ணிக்கோங்க. அதுல அரை கப் ரவை, தயிர் சேர்த்து கொஞ்ச நேரம் ஊறவைங்க. அப்புறம் வெங்காயம், தக்காளி, கேரட், குடைமிளகாய் மாதிரி உங்களுக்கு பிடிச்ச காய்கறிகளை சேர்த்து கெட்டியான மாவு தயார் பண்ணுங்க. தோசைக்கல்லில் கொஞ்சம் கனமா ஊத்தி, எண்ணெய் விட்டு ரெண்டு பக்கமும் பொன்னிறமா சுட்டு எடுங்க. இத உங்க விருப்பமான சட்னியோட பரிமாறுங்க.

ஏஷ்யாநெட் தமிழ் நியூஸின் லைஃப்ஸ்டைல் பிரிவு, வாசகர்களுக்கு வாழ்க்கை முறை, உறவுகள் மற்றும் நடைமுறை வாழ்க்கை குறித்து வளமான தகவல்களை வழங்குகிறது. இதில் ஆரோக்கிய ஆலோசனைகள், உணவு மற்றும் ஊட்டச்சத்து குறிப்புகள், ஃபாஷன் டிரெண்ட்ஸ் மற்றும் தினசரி வாழ்க்கையை மேம்படுத்தும் சிந்தனையூட்டும் கருத்துகள் அடங்கும்.

Read Entire Article