.png)
12 hours ago
9
வாட்ஸ்அப் நிறுவனம் ‘வாட்ஸ்அப் பிளஸ்’ என்ற புதிய பிரீமியம் சந்தா சேவையை அறிமுகப்படுத்துகிறது. இந்த சந்தா மூலம், பயனர்கள் ஆப் தோற்றம், ஐகான்கள், ரிங்டோன்கள் போன்றவற்றை மாற்றிக்கொள்ளலாம். இதுகுறித்த விவரங்களை தெரிந்து கொள்ளுங்கள்.
15
Image Credit : Gemini AI
வாட்ஸ்அப் பிளஸ்
உலகம் முழுவதும் கோடிக்கணக்கான மக்கள் பயன்படுத்தும் வாட்ஸ்அப், தனது ஐபோன் பயனர்களுக்காக புதிய ‘வாட்ஸ்அப் பிளஸ்’ பிரீமியம் சந்தா சேவையை அறிமுகப்படுத்தி வருகிறது. வழக்கமான இலவச மெசேஜிங் சேவையைத் தாண்டி, பயனர்கள் தங்களின் விருப்பத்திற்கு ஏற்ப ஆப்பை முழுமையாக மாற்றிக்கொள்ளும் வசதிகளை இந்த புதிய திட்டம் வழங்குகிறது. தற்போது இந்த அப்டேட் சில iPhone பயனர்களுக்கு மட்டும் சோதனை அடிப்படையில் கிடைக்கத் தொடங்கியுள்ளது. இருப்பினும் வழக்கமான அரட்டை, குரல் அழைப்பு மற்றும் வீடியோ அழைப்பு சேவைகள் தொடர்ந்து இலவசமாகவே இருக்கும் என நிறுவனம் தெரிவித்துள்ளது.
Add Asianetnews Tamil as a Preferred Source
25
Image Credit : Getty
வாட்ஸ்அப் புதிய அப்டேட்
இதுகுறித்து WABetaInfo வெளியிட்ட தகவலின்படி, iOS 26.17.74 பதிப்பு சிலருக்கு இந்த வாட்ஸ்அப் பிளஸ் வசதி தெரிகிறது. பயனர்கள் தங்களின் வாட்ஸ்அப் அமைப்புகள் பகுதிக்குச் சென்று இந்த சந்தா விருப்பம் வந்துள்ளதா என்பதை சரிபார்க்கலாம். ஆரம்ப கட்டமாக இந்த வசதி சாதாரண வாட்ஸ்அப் மெசேஞ்சர் பயனர்களுக்கு மட்டும் வழங்கப்படுகிறது. வாட்ஸ்அப் வர்த்தக கணக்குகளுக்கு இது இன்னும் அறிமுகப்படுத்தப்படவில்லை. மாதாந்திர சந்தா அடிப்படையில் செயல்படும் இந்த சேவையை, பயனர் ரத்து செய்யாத வரை ஒவ்வொரு மாதமும் தானாக புதுப்பிக்கப்படும் வகையில் உள்ளது.
35
Image Credit : Getty
வாட்ஸ்அப் சந்தா
இந்த புதிய சந்தா திட்டத்தின் முக்கிய ஈர்ப்பு, அதில் வழங்கப்படும் தனிப்பயன் அம்சங்கள்தான். வாட்ஸ்அப் பிளஸ் பயனர்களுக்கு 18 புதிய உச்சரிப்பு நிறங்கள் மற்றும் 14 வகையான ஆப்ஸ் ஐகான்ஸ் வழங்கப்படுகின்றன. வைப்ரன்ட் ப்ளூ, ராயல் பர்பிள், ஃபாரஸ்ட் கிரீன், கோல்டன் யெல்லோ போன்ற நிறங்களைப் பயன்படுத்தி வாட்ஸ்அப் தோற்றத்தை மாற்றிக்கொள்ளலாம். இதனால் சாதாரண மெசேஜிங் ஆப்பாக இருந்த வாட்ஸ்அப், ஒரு பர்சனல் ஸ்டைல் பிளாட்பார்ம் போல மாறும் என தொழில்நுட்ப உலகம் பேசத் தொடங்கியுள்ளது.
45
Image Credit : Getty
வாட்ஸ்அப் பிரீமியம் அம்சங்கள்
மேலும் சாதாரண பயனர்கள் மூன்று அரட்டைகளை மட்டுமே பின் செய்ய முடியும் நிலையில், வாட்ஸ்அப் பிளஸ் பயனர்கள் 20 அரட்டைகள் வரை பின் செய்து வைத்துக் கொள்ளலாம். மேலும் குறிப்பிட்ட அரட்டை பட்டியல்-களுக்கு தனியாக தீம், ரிங்டோன் மற்றும் அறிவிப்பு தொனி அமைக்கும் வசதியும் வழங்கப்படுகிறது. Flutter, Ripple, Quest, Bubble, Carnival போன்ற 10 புதிய ரிங்டோன் விருப்பங்கள் இந்த subscription-ல் இடம்பெற்றுள்ளன. இதனால் வாட்ஸ்அப் பயன்படுத்தும் அனுபவம் இன்னும் வண்ணமயமான மற்றும் தனிப்பயனாக்கப்பட்ட ஆக மாறும் என்று கூறப்படுகிறது.
55
Image Credit : Getty
ஐபோன் வாட்ஸ்அப் அப்டேட்
ஐரோப்பிய நாடுகளில் இந்த subscription-ன் மாதாந்திர கட்டணம் 2.49 யூரோ, அதாவது இந்திய மதிப்பில் சுமார் ரூ.274 நிர்ணயிக்கப்பட்டுள்ளது. நாடுகளுக்கு ஏற்ப இந்த கட்டணத்தில் மாற்றம் இருக்கலாம் என்றும் தகவல்கள் தெரிவிக்கின்றன. எதிர்காலத்தில் மேலும் பல ப்ரீமியம் அம்சங்கள் சேர்க்கப்படும் என்றும் கூறப்படுகிறது. இருப்பினும் சந்தா செலுத்தாத பயனர்களுக்கு தற்போதைய இலவச சேவைகள் எந்த மாற்றமும் இல்லாமல் தொடரும் என்பதால், சாதாரண பயனர்கள் கவலைப்பட தேவையில்லை என்று வாட்ஸ்அப் தெளிவுபடுத்தியுள்ளது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
English (US) ·