"சாதி பெயர் மாற்றத்தில் அரசு அவசரம் காட்டக்கூடாது..." - ராமதாஸ்

இதுதொடர்பாக அவர் வெளியிட்டுள்ள அறிக்கையில், பல காலமாக ஊர்கள், சாலைகள், தெருக்கள், நீர்நிலைகளுக்கு சாதி அடையாளப் பெயர்கள் வைக்கும் நடைமுறை உள்ளதாக கூறியுள்ளார்.

இந்தப் பெயர்களை நீக்குவதாக தமிழ்நாடு அரசு வெளியிட்டுள்ள அரசாணை, பல சமூக மக்கள் இடையே சர்ச்சையை ஏற்படுத்தி உள்ளதாக ராமதாஸ் குறிப்பிட்டுள்ளார்.

தமிழ்நாடு அரசின் இந்த நடவடிக்கை, சமூக ஒற்றுமைக்கும், பல ஆண்டு கால கலாச்சார நடைமுறைக்கும் எதிராக உள்ளதாக அவர் தெரிவித்துள்ளார்.

இது, முன்னோர்கள் செய்த தியாகங்களை சீர்குலைத்து அவர்கள் நினைவுகளை மறைக்க வழி செய்வது போல் உள்ளதாகவும் ராமதாஸ் குற்றஞ்சாட்டியுள்ளார்.

கோவையில் முதலமைச்சர் ஸ்டாலின் திறந்து வைத்த பாலத்துக்கு ஜி.டி. நாயுடு என்று பெயர் சூட்டியது, தமிழ்நாடு அரசின் அரசாணைக்கு முரண்பாட்டை ஏற்படுத்தி உள்ளதாகவும் கூறியுள்ளார்.

காலங்காலமாக இருக்கின்ற அடையாளங்களை நீக்குவது தமிழ்நாட்டு மக்கள் மத்தியில் குழப்பத்தையும், முரண்பாடுகளையுமே ஏற்படுத்தும் என்றும் ராமதாஸ் கூறியுள்ளார்.