மின்னல் வேக ஸ்டம்பிங்.. களத்தில் வெடித்த வாக்குவாதம்! CSKவை வீழ்த்தி பிளே-ஆஃப்க்குள் நுழைந்த SRH

15

25

சென்னை அணி நிர்ணயித்த 181 ரன்கள் என்ற இலக்கை நோக்கி களம் இறங்கிய ஹைதராபாத் அணி, போட்டியின் இரண்டாம் பாதியில் ஆரம்பம் முதலே ஆதிக்கத்தை செலுத்தியது. தொடக்க ஆட்டக்காரர் இஷான் கிஷன் 47 பந்துகளில் 70 ரன்கள் குவித்து அணியின் வெற்றிக்கு வலுவான அடித்தளம் அமைத்தார்.

மிடில் ஓவர்களில் களம் புகுந்த ஹென்ரிச் கிளாசன் தனது பலத்தை நிரூபித்தார். 26 பந்துகளில் 6 பவுண்டரிகள், 2 சிக்ஸர்களுடன் 47 ரன்கள் விளாசிய அவர், தேவையான ரன் ரேட்டை கட்டுப்பாட்டிற்குள் வைத்திருந்தார். இதனால் சென்னை அணி விக்கெட் எடுக்க முடியாமல் திணறி வந்தது.

35

போட்டியின் 15-வது ஓவரில் சென்னை அணிக்கு அந்த திருப்புமுனை கிடைத்தது. இடதுகை சுழற்பந்து வீச்சாளர் நூர் அகமது வீசிய 'கூக்ளி' பந்தை கணிக்கத் தவறிய கிளாசன் அவுட்டானார். விக்கெட் கீப்பர் சஞ்சு சாம்சன் மின்னல் வேகத்தில் ஸ்டம்பிங் செய்து விக்கெட்டை வீழ்த்தினார். சாம்சனின் இந்த உலகத்தரம் வாய்ந்த விக்கெட் கீப்பிங், சென்னை ரசிகர்களுக்கு அவர்களது அன்பிற்குரிய எம்.எஸ். தோனியை நினைவுபடுத்தும் வகையில் அமைந்தது.

— VEER SA (@veersaa007) May 19, 2026

45

கிளாசனின் விக்கெட்டிற்குப் பிறகு சேப்பாக்கம் மைதானமே ரசிகர்களின் ஆரவாரத்தால் அதிரத் தொடங்கியது. ஆனால், கிளாசன் அவ்வளவு எளிதாக மைதானத்தை விட்டு வெளியேறவில்லை. அவுட்டாகி திரும்பும் போது, சஞ்சு சாம்சனை நோக்கி கிளாசன் ஏதோ ஒரு கருத்தைக் கூற, சாம்சனும் அதற்கு ஆக்ரோஷமாக பதிலடி கொடுத்தார். இதனால் சாதாரண விக்கெட் கொண்டாட்டம், திடீரென இரு வீரர்களுக்கிடையேயான வாக்குவாதமாக மாறியது.

சிஎஸ்கே வீரர் சிவம் துபே உடனடியாக இருவருக்கும் இடையே வந்து நிலைமையைக் கட்டுப்படுத்த முயன்றார். நடுவரும் சஞ்சு சாம்சனிடம் பேசினார். இதில் உடல்ரீதியான மோதல் எதுவும் ஏற்படவில்லை என்றாலும், ஆட்டத்தின் அந்த முக்கியமான கட்டத்தில் நிலவிய பதற்றம் ரசிகர்களை உற்று நோக்க வைத்தது. அரைசதம் அடிக்கும் வாய்ப்பை இழந்த விரக்தியில் கிளாசனும், விக்கெட் வீழ்த்திய வேகத்தில் சாம்சனும் உணர்ச்சிவசப்பட்டதே இதற்கு காரணம் எனத் தெரிகிறது.

— Indian Cricket (@IPL2025Auction) May 18, 2026

55

இந்த விக்கெட் சென்னை அணிக்கு ஒரு சிறிய நம்பிக்கையைக் கொடுத்தாலும், போட்டியின் முடிவை மாற்ற முடியவில்லை. கிளாசன் அவுட்டான பிறகும் இஷான் கிஷன் களத்தில் நின்று ஆட்டத்தை ஹைதராபாத் அணியின் கட்டுப்பாட்டிலேயே வைத்திருந்தார்.

இறுதியில், ஹைதராபாத் அணி 19 ஓவர்களில் 5 விக்கெட் இழப்பிற்கு 181 ரன்கள் எடுத்து, 1 ஓவர் மீதமிருக்கையிலேயே அபார வெற்றி பெற்றது. இந்த வெற்றியின் மூலம் ஹைதராபாத் அணி பிளே-ஆஃப் சுற்றுக்கு முன்னேறியுள்ளது. அதே வேளையில், லீக் சுற்றின் இறுதி கட்டத்தில் சிஎஸ்கே அணிக்கு இது பெரும் பின்னடைவை ஏற்படுத்தியுள்ளது.

போட்டியில் ஹைதராபாத் அணி வெற்றி பெற்றிருந்தாலும், சஞ்சு சாம்சனின் ஆக்ரோஷமான பார்வை, கிளாசனின் வார்த்தை மோதல் மற்றும் சிவம் துபே இருவரையும் சமாதானப்படுத்திய அந்த சேப்பாக்க மைதானத்தின் பரபரப்பான தருணம் ரசிகர்களின் மனதில் நீங்கா இடம்பிடித்துவிட்டது.