வாட்ஸ் ஆப்பில் ஆடியோ அனுப்பி மிரட்டல்.. நடிகர் ரன்வீர் சிங்கை அச்சுறுத்திய கேங்க்ஸ்டர் யார்?

பாலிவுட் வட்டாரத்தில் பெரும் சலசலப்பை ஏற்படுத்திய இச்சம்பவம் தொடர்பாக, ரன்வீர்சிங்கின் மேலாளர் விஜய் சுப்பிரமணியன் அளித்த புகாரில், மும்பை போலீசார் வழக்குப்பதிந்து விசாரணையைத் தொடங்கினர். ரன்வீர் சிங் மற்றும் அவரது மனைவி தீபிகா படுகோனா வசிக்கும் மும்பை பிரபாதேவியில் உள்ள, பியூ மாண்டே குடியிருப்பு கட்டடத்தில் பலத்த போலீஸ் பாதுகாப்பு போடப்பட்டது. நடிகரின் தனிப்பட்ட பாதுகாவலர்களின் எண்ணிக்கையையும் கூட்டினர்.

பணம் கேட்டு மிரட்டல் விடுத்த மர்ம நபர்? நடிகர் சல்மான் கானை மிரட்டி வரும் லாரன்ஸ் பிஷ்னோய் கும்பலைச் சேர்ந்தவரா? என பல்வேறு சந்தேகங்கள் எழுந்தன. அது தொடர்பாக மும்பை போலீசார் நடத்திய பல கட்ட விசாரணைக்குப் பின், ரன்வீரிடம் 10 கோடி ரூபாய் கேட்டு மிரட்டல் விடுத்தது லாரன்ஸ் பிஷ்னோய் கும்பலைச் சேர்ந்த ஹேரி பாக்சர் (Harry boxer) என்பது உறுதி செய்யப்பட்டுள்ளது.

அமெரிக்காவில் தலைமறைவாக இருக்கும் ஹேரி பாக்சர், லாரன்ஸ் பிஷ்னோய் கும்பலில் முக்கிய புள்ளி ஆவார். மும்பையில் உள்ள முக்கிய பிரமுகர்களை மிரட்டி, பணம் பறித்து வந்துள்ளார். இந்த நிலையில் அமெரிக்க போலீசாருடன் இணைந்து ஹேரி பாக்சரை கைது செய்யும் முயற்சியில், மும்பை போலீசார் களத்தில் இறங்கி உள்ளனர். ஹேரி அமெரிக்காவில் இருந்து வேறு நாட்டிற்கு தப்பி ஓடிவிட கூடாது என்பதற்காக, லுக் அவுட் நோட்டீஸ் பிறக்கப்பிக்கப்பட்டுள்ளது. தீவிர தேடுதலில் ஒரு வேளை ஹேரி பாக்சர் கைது செய்யப்பாட்டால் லாரன்ஸ் பிஷ்னோய் கும்பலுக்கு மும்பை போலீசார் கொடுத்த நெற்றியடியாக அது இருக்கும் என எதிர்பார்க்கப்படுகிறது.

Location :

Mumbai,Maharashtra