.png)
1 hour ago
20
Oppo ஒப்போ பைண்ட் எக்ஸ்9 அல்ட்ரா மற்றும் விவோ எக்ஸ்300 அல்ட்ரா போன்களின் 200MP கேமரா மற்றும் 7000mAh பேட்டரி குறித்த கசிந்த மிரட்டலான தகவல்கள்.சந்தையை தெறிக்கவிட வரும் ஒப்போ, விவோ!
14
Image Credit : Gemini
Oppo
ஸ்மார்ட்போன் சந்தையில் முன்னணி நிறுவனங்களான ஒப்போ (Oppo) மற்றும் விவோ (Vivo) தங்களது அடுத்த பிளாக்ஷிப் மாடல்களை அறிமுகப்படுத்த தீவிரமாக தயாராகி வருகின்றன. ஒப்போ பைண்ட் X9 அல்ட்ரா (Oppo Find X9 Ultra) மற்றும் விவோ X300 அல்ட்ரா (Vivo X300 Ultra) ஆகிய இரு மாடல்களின் வெளியீட்டு தேதிகள் இன்னும் அதிகாரப்பூர்வமாக அறிவிக்கப்படவில்லை என்றாலும், சீனப் புத்தாண்டிற்குப் பிறகு அதாவது மார்ச் மாதத்தில் இவை சீனாவில் அறிமுகமாகும் என்று எதிர்பார்க்கப்படுகிறது.
24
Image Credit : Gemini
200 மெகாபிக்சல் கேமராவுடன் எதிர்பார்க்கப்படும் ஸ்மார்ட்போன்கள்
இந்த இரண்டு புதிய மாடல்களின் கேமரா சிறப்பம்சங்கள் குறித்த தகவல்கள் தற்போது இணையத்தில் கசிந்து வைரலாகி வருகின்றன. அதன்படி, இந்த இரு போன்களுமே சக்திவாய்ந்த 200 மெகாபிக்சல் சென்சார்களுடன் வெளிவரும் என கூறப்படுகிறது. ஒப்போ பைண்ட் X9 அல்ட்ரா மாடலில் 1/1.28-இன்ச் சென்சாருடன் கூடிய 200MP பெரிஸ்கோப் டெலிபோட்டோ கேமரா இடம்பெறவுள்ளது. இதனுடன், 10x ஆப்டிகல் ஜூம் வசதி கொண்ட 50MP டெலிபோட்டோ லென்ஸும் இருக்க வாய்ப்புள்ளது. இதன் மூலம் மிக நீண்ட தூரத்தில் உள்ள காட்சிகளை கூட துல்லியமாக படம் பிடிக்க முடியும்.
34
Image Credit : X- Anir Chakraborty
மேம்படுத்தப்பட்ட கூடுதல் கேமரா மற்றும் வீடியோ வசதிகள்
விவோ X300 அல்ட்ரா மாடலும் கேமரா அம்சங்களில் எந்த வகையிலும் சளைத்ததல்ல. இது 200MP முதன்மை சென்சார் கொண்ட டிரிபிள் கேமரா அமைப்பைக் கொண்டிருக்கும் என எதிர்பார்க்கப்படுகிறது. சற்று பெரிய 1/1.12-இன்ச் சென்சார் மற்றும் 35mm போக்கல் லென்த் உடன் வெளிவருவதால், குறைந்த வெளிச்சத்திலும் சிறப்பான புகைப்படங்களை எடுக்க இது உதவும். மேலும், இதில் 50MP அல்ட்ராவைடு கேமரா மற்றும் 5MP மல்டிஸ்பெக்ட்ரல் சென்சாரும் இடம்பெறலாம். மேம்படுத்தப்பட்ட வீடியோ பதிவு வசதிகள் மற்றும் தெளிவான வண்ணங்களை வழங்கும் தொழில்நுட்பங்களும் இதில் அடங்கும் என கூறப்படுகிறது.
44
Image Credit : @TechySakib/X
7000mAh பிரம்மாண்ட பேட்டரியுடன் ஒப்போ பைண்ட் X9 அல்ட்ரா
பேட்டரி திறனைப் பொறுத்தவரை, ஒப்போ நிறுவனம் இந்த முறை ஒரு பெரிய பாய்ச்சலை நிகழ்த்தியுள்ளது. ஒப்போ பைண்ட் X9 அல்ட்ரா ஸ்மார்ட்போன் 7,000 mAh-க்கும் அதிகமான பிரம்மாண்ட பேட்டரியுடன் வெளிவரும் என்பதை நிறுவனத்தின் அதிகாரி சூ யிபாவோ (Zhou Yibao) உறுதிப்படுத்தியுள்ளார். கடந்த ஆண்டு வெளியான மாடல் 6,100mAh பேட்டரியை கொண்டிருந்த நிலையில், இந்த புதிய அப்டேட் மிகப்பெரிய முன்னேற்றமாகும். மிரட்டலான கேமரா மற்றும் பிரம்மாண்ட பேட்டரி என அனைத்து அம்சங்களிலும் அசத்தும் ஒப்போவின் இந்த மாடல், ப்ரீமியம் ஸ்மார்ட்போன் சந்தையில் ஒரு புதிய மைல்கல்லாக அமையும் என்பதில் சந்தேகமில்லை.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
English (US) ·