நாளை முதல் முன்பதிவு! சென்னை - போத்தனூர் இடையே கூடுதல் ரயில்கள் - தெற்கு ரயில்வே தகவல்.

கோடைக்கால நெரிசலை தவிர்க்க கோவை போத்தனூர் - சென்னை இடையே வாராந்திர சிறப்பு ரயில்கள் இயக்கப்படுகின்றன

. அதன்படி, 13, 14 மற்றும் 15 ஆகிய தேதிகளில் போத்தனூரில் இருந்து சென்னை சென்ட்ரலுக்கு ரயில் இயக்கப்படுவதாக தெற்கு ரயில்வே அறிவித்துள்ளது.

போத்தனூரில் இருந்து காலை 7.40 மணிக்கு புறப்படும் சிறப்பு ரயில், அதே நாளில் மாலை 4.45 மணிக்கு சென்னை சென்ட்ரலை சென்றடைகிறது

. திருப்பூர், ஈரோடு, சேலம், மொரப்பூர், ஜோலார்ப்பேட்டை, காட்பாடி, அரக்கோணம், பெரம்பூர் நிலையங்களில் ரயில் நின்றுச் செல்லும்.மறுமார்க்கத்தில் சென்னை சென்ட்ரலில் இருந்து மாலை 5.45 மணிக்கு புறப்படும் ரயில் மறுநாள் அதிகாலை போத்தனூர் சென்றடையும் என தெற்கு ரயில்வே தெரிவித்துள்ளது.

இதே போன்று, சென்னை சென்ட்ரல் – போத்தனூர் இடையே வரும் 13, 15, 20, 22, 27 மற்றும் 29 ஆகிய தேதிகளில் சிறப்பு ரயில் இயக்கப்படுகிறது. சென்னை சென்ட்ரலில் இருந்து இரவு 11.50 மணிக்கு புறப்பட்டு, அடுத்த நாள் காலை 9.15 மணிக்கு போத்தனூர் சென்றடையும்.

இதே போல, வரும் 14, 16, 21, 23, 28 மற்றும் 30 ஆகிய தேதிகளில் போத்தனூரில் இருந்து மதியம் 1.45 மணிக்கு புறப்படும் ரயில், அதே நாள் இரவு 11.30 மணிக்கு சென்னை சென்ட்ரல் வந்தடையும். இந்த சிறப்பு ரயில்களுக்கான முன்பதிவு செவ்வாயன்று தொடங்குகிறது.